NBC yawajali wanafunzi viziwi

Na Peter Mwenda

BENKI ya NBC imetoa vifaa vya kufundishia na kusikia kwa ajili ya wanafunzi wenye ulemavu wa Shule ya Msingi Temeke.

Akikabidhi vifaa hivyo Mkurugenzi Mtendaji wa NBC Bw.Lawrance Mafuru alisema msaada huo wa vifaa vya kusikia imegharimu sh. mil. 22.

Bw. Lawrance alisema fedha hizo ni kati ya msaada wenye jumla ya sh. mil. 36 ambao vifaa vingine vimepelekwa kwa wanafunzi wenye matatizo kama hayo katika wilaya ya Mafia.

Awali Mkurugenzi Mtendaji Mamlaka ya Elimu Tanzania (TEA),Bi. Rosemary Lulabuka alisema mamlaka yake imefurahishwa na benki ya NBC kutoa msaada huo.

Alisema kampuni mbalimbali ziendelee kuwasilisha misaada yao TEA ili iwafikie walengwa katika kusaidia serikali kupambana na adui ujinga.

Alisema misaada kama hiyo mbali ya NBC pia imemewahi kutolewa na Kampuni ya mafuta ya Muzar Oil,Kampuni ya Sigara na Benki Kuu ya Tanzania (BOT).